Լրատվական Պորտալ

Ինչպես արդեն տեղեկացրել ենք, Հայաստանի ազգային հավաքականի կիսապաշտպան Հենրիխ Մխիթարյանն Ուկրաինայի ընթացիկ առաջնության 17-րդ տուրի շրջանակներում 17-րդ գոլը հեղինակեց` հանդիպման 17-րդ րոպեին: «Շախտյոր» - «Գովերլա» խաղն ավարտվեց դաշտի տերերի ջախջախիչ հաղթանակով` 5:1 հաշվով: Հավելենք, որ հյուրերի կազմում ամբողջ հանդիպմանը մասնակցեց Հայաստանի հավաքականի ներկայացուցիչ Արթուր Եդիգարյանը: «Շախտյոր» - «Գովերլա»` 5:1 1:0 Իլսինյո (5'), 2:0 Վիլիան (13'), 3:0 Մխիթարյան (17'), 3:1 Լե Տալեկ (45'), 4:1 Դուգլաս Կոստա (62'), 5:1 Դևիչ (80')

Մոսկվայի «Սպարտակի» եւ «Բարսելոնայի» վետերանների թիմերը կհանդիպեն սեպտեմբերին իսպանական Կոստա Բրավա ծովափում կայանալիք «Մարզական ալիք» սիրողական ֆուտբոլային փառատոնում։ Սեպտեմբերին 21-ին հանդիպումը տեղի կունենա կատալոնական «Պալամոս» հնագույն ակումբի ստադիոնում եւ նվիրված կլինի մոսկովյան ակումբի 90-ամյակին, հաղորդում է  Championat.com -ը։ Թիմերի նախնական կազմերը «Բարսելոնա». Սուբիսարետա, Անգոյ, Ամոր, Ֆերեր, Էուսեբիո, Բակերո, Կրոյֆ, Մորատայա, Բեգիրիստայն, Սերխի, Սալինաս, Ֆրադերա: «Սպարտակ». Չերենկով, Գավրիլով, Ռոմանցեւ, Յարցեւ, Պարֆյոնով, Եգորովիչ, Կարպին, Կեչինով, Կոկորեւ, Մամեդով, Պոպով, Պոզդնյակով, Ռոդիոնով, Խլեստով, Կովտուն, Խիդիյատուլին, Շավլո, Շմարով, Տիտով, Բեսչաստնիխ:

Վարշավայում կայացած Ռուսաստան – Լեհաստան (1:1) հանդիպումից հետո նոր բախումներ են գրանցվել լեհ եւ ռուս ֆանատների միջեւ : Վարշավայում կենտրոնում , ռուս երկրպագուների ֆան - գոտու մոտ լեհ ծայրահեղականները հարձակվել են կանանց եւ երեխաների հետ հանդիպմանը այցելած ռուս ֆուտբոլասերների վրա : Ռուսաստանցիների մեջ չեն եղել այսպես կոչված մարտական ֆանատներ , որոնք կարող էին դիմադրություն ցույց տալ : Միջադեպի վայրում ոստիկաններ չեն եղել , հաղորդում է   championat.com - ը : Տուժածներին օգնություն է ցույց տվել շտապօգնությունը : Տեսանյութում ավելի վաղ , խաղից առաջ տեղի ունեցած բախումներն են :

« Եվրո - 2012- ի անցկացման համար Ուկրաինայի գործառնական ծախսերը կազմել են 55 մլն դոլար : Դրանք ուղղվել են մրցաշարը սպասարկող անձնակազմի լեզվի ուսուցմանը , առաջնության գովազդին ու տեղեկատվական աջակցությանը : Իսկ առաջնության նախապատրաստման ընդհանուր գումարը կազմել է 5 մլրդ դոլար »,- ասել է Կոլեսնիկովը ` հավելելով , որ մնացյալ գումարը հիմնականում ուղղվել է օդանավակայանի , ճանապարհների կառուցմանը , տրանսպորտային ենթակառուցվածքի նախապատրաստմանը : Ինչպես հաղորդում է « ՌԻԱ Նովոստի » գործակալությունը , փոխվարչապետը միևնույն ժամանակ հայտնել է , որ Լեհաստանը ծախսել է 34 մլրդ դոլար : Նրա խոսքով ` հյուրընկալող 2 երկրներն էլ պատրաստ են բարձր մակարդակով անցկացնել Եվրո -2012- ը :

Կանանց թենիսի միջազգային ասոցիացիան (WTA) մայիսի 21-ին հրապարակել է  վարկանաշային նոր աղյուսակը : Առաջատարի դիրքը պահպանել է բելառուս Վիկտորիա ազարենկոն: Երկրորդ տեղում գտնվող Ռռոմի մրցաշարում հաղթանակ տարած ռուսաստանցի Մարիա Շարապովան աստիճանաբար մոտենում է առաջատարին: Եռյակը եզրափակում է Լեհաստանի ներկայացուցիչ Ագնեշկա Ռադվանսկան: WTA. չեմպիոնական մրցավազք, 2012թ մայիսի 21 1. Վիկտորիա Ազարենկո (Բելառուս) - 5765 միավոր 2. Մարիա Շարապովա (Ռուսաստան) - 4540 3. Ագնեշկա Ռադվանսկա (Լեհաստան) - 3536 4. Սերենա Վիլյամս (ԱՄՆ) - 2515 5. Անժելիկա Կերբեր (Գերմանիա) - 2350 6. Լի Նա (Չինաստան) - 2091 7. Մարիոն Բարտոլի (Ֆրանսիա) - 1822 8. Կարոլին Վոզնյացկի (Դանիա) - 1812 9. Սարա Էրանի (Իտալիա) - 1730 10. Սամանտա Ստոսուր (Ավստրալիա) - 1721 NEWS.am Sport

Մայիսի 20-ին Իսպանիայի ազգային ահավաքականի եւ Մադրիդի «Ռեալի» դարպասապահ Իկեր Կասիլիասը դարձավ 31 տարեկան: Facebook-ի իր էջում դարպասապահը տեղադրել է ծննդյան օրվա նկարներից մեկը, որտեղ նա դելֆինարիումում լողում է դելֆինի հետ: Նկարի վերնագիրն է ` «Ես և իմ նոր ընկերը»: NEWS.am Sport

Լոնդոնի «Չելսին» պատմության մեջ առաջին անգամ դարձավ ֆուտբոլի Չեմպիոնների լիգայի գավաթակիր: Մյունխենի «Ալյանս Արենա» ստադիոնում կայացած եզրափակիչ խաղում Ռոբերտո Դի Մատեոյի թիմը հետխաղյա 11 մետրանոց հարվածներով առավելության հասավ Մյունխենի «Բավարիայի» նկատմամբ: Հանդիպումն ավելի ակտիվ սկսեցին «Բավարիայի» ֆուտբոլիստները: Առաջին խաղակեսում լոնդոնցիները հազվադեպ էին գրոհներ կազմակերպում, բայց մի քանի վտանգավոր պահեր ստեղծեցին Մանուել Նոյերի պաշտպանած դարպասի մոտ: «Բավարիան» տարածքային ու խաղային լուրջ առավելություն ուներ, ինչն արտահայտվում էր «Չելսիի» դարպասի մոտ ստեղծված վտանգավոր պահերով: Առաջին 45 րոպեների ընթացքում մյունխենցիներն ավելի հետաքրքիր ու վտանգավոր էին գործում, սակայն թիմերն ընդմիջման գնացին 0:0 հաշվի ժամանակ: Երկրորդ խաղակեսում պատկերը նույնն էր: «Բավարիան» ուներ տարածքային ու խաղային լուրջ առավելություն, ստեղծեց մի շարք գոլային պահեր, սակայն լոնդոնցիները հիանալի էին պաշտպանվում: Այնուամենայնիվ, 83-րդ րոպեին Թոմաս Մյուլերը գլխի հարվածով գրավեց «Չելսիի» դարպասը՝ ...

Բրիտանական British Airways ավիաընկերության հատուկ չվերթով մայիսի 18-ին օլիմպիական կրակը տեղափոխվել է Մեծ Բրիտանիայի միացյալ թագավորության ռազմածովային ուժերի ավիացիոն բազա, հաղորդում է  BBC -ն: Օլիմպիական ջահին ուղեկցում էին արքայադուստր Աննան եւ Անգլիայի հավաքականի նախկին ավագ Դեւիդ Բեհեմը, Մայիսի 19-ին Մեծ Բրիտանիայում մեկնարկել է 9 օր առաջ Հունաստանում բոցավառված օլիմպիական կրակի փոխանցումավազքը, որ սկսել է Օլիմպիական խաղերի եռակի հաղթող Բեն Էյնսլին: 70 օրվա ընթացքում կրակը կանցնի 13 հազար կմ: Փոխանցումավազքին կմասնակցի 8 հազար մարդ:   Օլիմպիական կրակը կժամանի Ստրատֆորդի Օլիմպիական մարզադաշտ հուլիսի 27-ին՝ Օլիմպիական խաղերի բացման արարողության ժամանակ: NEWS.am Sport

Հոլանդիայի հավաքականի եւ Լոնդոնի «Արսենալի» հարձակվող Ռոբին վան Պերսին ժամանակավորապես չի շփվի լրատվամիջոցների ներկայացուցիչների հետ: The Guardian -ի փոխանցմամբ՝ լոնդոնյան ակումբն արգելել է հոլանդացուն զրուցել լրագրողների հետ։ Արգելքն ուժի մեջ կլինի այնքան ժամանակ, մինչեւ որ հարձակվողը կլինի Հոլանդիայի հավաքականի տրամադրության տակ: Հիշեցնենք, որ լոնդոնյան ակումբը դեռեւս համաձայնության չի եկել Վան Պերսիի հետ նոր պայմանագրի հարցում։ NEWS.am Sport

Իտալիայի նորընծա չեմպիոն Թուրինի «Յուվենտուսի» 37-ամյա լեգենդար հարձակվող Ալեսանդրո Դել Պյերոն հնարավոր է կարիերան շարունակի Անգլիայում: Հունիսին նա կստանա ազատ գործակալի կարգավիճակ եւ կարող է քննարկել «Արսենալի», «Քուինզ Պարկ Ռեյնջերսի» եւ «Տոտենհեմի» առաջարկները: Ավելի վաղ հաղորդվում էր, որ իտալացի ֆուտբոլիստը կխաղա ԱՄՆ-ում, սակայն անգլիական Պրեմյեր լիգայի թիմերը եւս սկսել են հետաքրքրվել նրանով: Ընթացիկ մրցաշրջանում Դել Պյերոն 27 հանդիպումներում խփել է 5 գնդակ: Կարիերան «Յուվենտուսում» Դել Պյերոն կավարտի մայիսի 20-ին` «Նապոլիի» հետ Իտալիայի գավաթի խաղարկության եզրափակիչում, հաղորդում է  Football Italia -ն:  NEWS.am Sport

Թուրքական Ֆեներբախչեի երկրպագուները , իրենց սիրելի թիմի չեմպիոնական տիտղոսը կորցնելու պատճառով , ավերել են մարզադաշտն ու մերձակա փողոցները , ոստիկանությունը մի իսկական ճակատամարտ է տվել մոլեգնած ամբոխին : Հիշեցնենք որ Ֆեներբախչե Գալաթասարայ հանդիպումը իր ոչ ոքի արդյունքով չեմպոնությունից զրկեց Ֆեներբախչեին :

Հռոմում մեկնարկած թենիսի Masters-1000 մրցաշարի առաջին շրջանում արգենտինացի Դավիթ Նալբանդյանը պարտության մատնեց իսպանացի Ալբերտ Ռամոսին: 1 ժամ 37 րոպե տեւած մրցախաղում Նալբանդյանը հաղթեց 6:3, 6:4 հաշվով: Նալբանդյանի հաջորդ մրցակիցը կլինի բրիտանացի Էնդի Մարեյը: NEWS.am Sport

Բասկետբոլի ազգային ասոցիացիայի Արեւմուտքի քառորդ եզրափակիչում «Լոս Անջելես Կլիպերսը» շարքի 7-րդ խաղում 82:72 հաշվով հաղթեց «Մեմֆիսին» եւ դուրս եկավ կիսաեզրափակիչ, որտեղ կմրցի «Սան Անտոնիոյի» հետ: Արեւելքի կիսաեզրափակիչի առաջին խաղում «Մայամին» տանը 95:86 հաշվով պարտության մատնեց  «Ինդիանային»: NBA.  Արեւմուտք.1/4 եզրափակիչ   «Մեմֆիս» -  « Լոս   Անջելես   Կլիպերս »  - 72:82 (13:16, 25:23, 18:16, 16:27) Շարքի հաշիվ` 3-4 Արեւելք. 1/2 եզրափակիչ « Մայամի »  - «Ինդիանա»` 95:86 (20:23, 22:25, 28:22, 25:16) Շարքի հաշիվ` 1-0 NEWS.am Sport

Իտալական A Սերիայի վերջին տուրում չեմպիոնի տիտղոսն ապահոված Թուրինի «Յուվենտուսը» սեփական խաղադաշտում 3:1 հաշվով հաղթեց «Ատալանտային»՝ առաջնությունն ավարտելով առանց պարտության: Նախորդ անգամ նման ցուցանիշ 1991/92 մրցաշրջանում գրանցել էր «Միլանը»: Թուրինցիներին հաղթանակ պարգեւեցին իտալացի կիսապաշտպան Լուկա Մարոնեի, Ալեսանդրո Դել Պյերոյի եւ Անդրեա Բարցալիի դիպուկ հարվածները: «Յուվենտոսի» շվեյցարացի պաշտպան Ստեֆան Լիխշտայները դարձավ ինքնագոլի հեղինակ: Վերջին տուրում հաղթանակ տարավ նաեւ արծաթե մեդալ նվաճած «Միլանը»: Մասիմիլիանո Ալեգրիի թիմը սեփական խաղադաշտում 2:1 հաշվով պարտության մատնեց A Սերիայից դուրս մնացած «Նովարային»: 20-րդ րոպեին արգենտինացի պաշտպան Սանտյագո Գարսիան առաջ մղեց «Նովարային», սակայն երկրորդ խաղակեսում Մաթյե Ֆլամինին եւ Ֆիլիպո Ինձագին հաղթանակ պարգեւեցին «Միլանին»: «Յուվենտուսն» առաջնությունն ավարտեց 84, իսկ «Միլանը»՝ 80 միավորով: Իտալիայի առաջնություն. 38-րդ տուր «Յուվենտուս» - «Ատալանտա՝ 3:1 Մարիոնե, 10, Դել Պյերո 28, Բարցալի, 90 (11մ.) – Լիխշտայներ, 8...

Ֆուտբոլի Ռուսաստանի առաջնության վերջին տուրում Բ խմբում ընդգրկված «Կրասնոդարը» մրցակցի խաղադաշտում ոչ ոքի խաղաց Նալչիկի «Սպարտակի» հետ` 3:3: Հայաստանի ազգային հավաքականի հարձակվող Յուրա Մովսիսյանը մասնակցեց ամբողջ հանդիպմանը: Առաջին խաղակեսի վերջնամասում «Կրասնոդարի» ռմբարկուն արժանացավ դեղին քարտի, իսկ 70-րդ րոպին՝ 2:2 հաշվի ժամանակ, անվրեպ իրացրեց 11 մետրանոցը՝ խփելով իր 15-րդ գոլը Ռուսաստանի առաջնությունում: Սակայն կրասնոդարցիները չկարողացան պահպանել հաղթական հաշիվը: 76-րդ րոպեին դաշտի տերերի ռուս կիսապաշտպան Ռոման Կոնցեդալովը հավասարեցրեց հաշիվը՝ խփելով հանդիպման վերջին գնդակը: Հայաստանի ազգային հավաքական պաշտպան Հրայր Մկոյանի անունը բացակայում էր Նալչիկի թիմի հայտացուցակից: Ամենայն հավանականությամբ, Մկոյանն ազատ ֆուտբոլիստի կարգավիճակով կհեռանա «Սպարտակից»: Ռուսաստանի առաջնություն. 44-րդ տուր Բ խումբ «Սպարտակ Ն.» - «Կրասնոդար»՝ 3:3 Կոնցեդալով, 8, 74 Բոլով, 14 – Մարսիու, 11, Լոմբարսկի, 20, Մովսիսյան, 70 (11մ.) «Կռիլյա Սովետով» - «Թերեկ»՝ 1:1 Կորնիլյենկո,...

Իսպանիայի 2011/12թթ. առաջնությունում Սեւիլիայի «Բետիսը» բոլորից շատ է գրավել արծաթե մեդալ նվաճած կատալոնական «Բարսելոնայի» դարպասը, հաղորդում է Infostrada -ն: Պրիմերայի ընթացիկ առաջնությունում անդալուզական ակումբը չորս գոլ է խփել «Բարսելոնայի» հետ խաղերում: Մադրիդի «Ռեալը» 2011/12թթ. մրցաշարի ընթացքում երեք գնդակ է ուղարկել կատալոնացիների դարպասը: NEWS.am Sport

Բելգիայի հավաքականի եւ «Լիլի» հարձակողական ոճի կիսապաշտպան Էդեն Ազարը ճանաչվել է Ֆրանսիայի 2011/12թթ. առաջնության լավագույն ֆուտբոլիստ, հաղորդում է  L’Equipe -ը: Ֆրանսիական թերթի լրագրողների քվեարկության արդյունքներով երկրորդ տեղում է հայտնվել «Մոնպելյեի» եւ Ֆրանսիայի հավաքականի հարձակվող Օլիվյե Ժիրուն, ով խփած 21 գոլերով գլխավորում է Ֆրանսիայի առաջնության ռմբարկուների ցուցակը: Ընթացիկ մրցաշրջանում 21-ամյա Ազարը 46 հանդիպում է անցկացրել «Լիլի» կազմում եւ դարձել է 18 գոլի հեղինակ: NEWS.am Sport

Հայաստանի ներկայացուցիչ Արմինե Սինաբյանը անհաջող մեկնարկեց Չինաստանում ընթացող բռնցքամարտի աշխարհի առաջնությունում: Օլիմպիական վարկանիշային մրցաշարի առաջին շրջանում 60 կգ քաշային Արմինե Սինաբյանը 9:13 հաշվով պարտվեց իսպանացի Ջենիֆեր Միրանդա Մաքուեդային եւ դուրս մնաց հետագա պայքարից: 75 կգ քաշային Աշխեն Սիմոնյանը մայիսի 15-ին ուժերը կչափի Ռումինիան ներկայացնող Լումինիտա Տուրչինի հետ: Չինաստանի մրցաշարում օլիմպիական ուղեգիր են ձեռք բերում 1-3-րդ տեղ գրաված բռնցքամարտիկները: NEWS.am Sport

Իտալական «Ջենոայի» վրացի պաշտպան Կախա Կալաձեն հայտարարել է ֆուտբոլային կարիերան ավարտելու մասին: «Սա շատ կարեւոր շրջան է իմ կյանքում: Ֆուտբոլում անցկացրած 19 անմոռանալի տարիներից հետո ես գնում եմ հանգստի: Իհարկե, կկարոտեմ Միլանի եւ Ջենոայի երկրպագուներին ու ֆուտբոլիստներին, սակայն որոշել եմ կենտրոնանալ քաղաքականության վրա: Ուզում եմ պայքարել Վրաստանի ազատության համար»,- Կալաձեի խոսքը մեջբերում է  Goal.com -ը: Ֆուտբոլային կարիերայի ընթացքում 34-ամյա պաշտպանը հանդես է եկել Թբիլիսիի «Դինամոյում», Կիեւի «Դինամոյում», իտալական «Միլանում» եւ «Ջենոայում»: NEWS.am Sport

Ֆուտբոլի Ռուսաստանի առաջին դիվիզիոնի առաջնության վերջին տուրում «Ալանիան» հյուրընկալվելիս ոչ ոքի խաղաց Եկատերինբուրգի «Ուրալի» հետ եւ հնարավորություն ստացավ հաջորդ մրցաշրջանում հանդես գալ Պրեմյեր լիգայում: Հանդիպումն ավարտվեց 2:2 հաշվով: Հայաստանի ազգային հավաքականի կիսապաշտպան Էդգար Մանուչարյանն «Ուրալի» մեկնարկային կազմում էր եւ փոխարինվեց 61-րդ րոպեին: «Ուրալն» առաջնությունն ավարտեց 6-րդ տեղում: Յարոսլավլի «Շիննիկը» սեփական խաղադաշտում 1:2 հաշվով պարտվեց «Սիբիրին»: Հայաստանի ազգային հավաքականի հարձակվող Արթուր Սարկիսովը մասնակցեց ամբողջ հանդիպմանը: «Շիննիկը» զբաղեցրեց չորրորդ տեղը եւ հնարավորություն ստացավ պայքարել Պրեմյեր լիգայի վերջին ուղեգրի համար: Ռուսաստանի առաջին դիվիզիոնի առաջնություն. 52-րդ տուր «Շիննիկ» - «Սիբիր»՝ 1:2 Սկրիլնիկով, 64 – Աստաֆեւ, 3, Շպիչիչ, 50 «Ուրալ» - «Ալանիա»՝ 2:2 Նովիկով, 26, Տկաչեւ, 90 (11մ.) – Նեկո, 13, Տուրսունով, 90 «Դինամո Բրյանսկ» - «Մորդովիա»՝ 1:0 Սորոկին, 14 «Տորպեդո» - «Նիժնի Նովգորոդ»՝ 3:0 Բելոուսով, 37, Ռիպով, 45, Սատալկ...