Վաճառքում է հայտնվել աշխարհի ամենաթունդ սուրճը

Նրանք, ովքեր չեն թարմանում առավոտյան մեկ բաժակ սովորական սուրճից, կարող են ձեռք բերել հատուկ տեսակի Death Wish Coffee:

Արտադրող ընկերությունը հայտարարում է, որ դրանում պարունակվող կոֆեինը կրկնակի շատ է սովորականից՝ գրում է mirfactov.com-ը: 

Այդ սուրճն ստեղծողները պնդում են, որ գտել են կոֆեինի բարձր պարունակությամբ հատիկներ, որոնք ունեն «Արաբիկայի» համ և հաղորդում են կրկնակի էներգիա: Դրանք աճեցվում են օրգանիկ պայմաններում: 

«Սա սովորական առավոտյան սուրճ չէ: Դա սուրճ չէ, որը գնում եք խանութում: Սա էքստրեմալ սուրճ է, և այն թույլերի համար չէ: Համարեք, որ ձեզ նախազգուշացրել են»,- հայտարարում են արտադրողները: 

Այս սուրճը բավական թանկ հաճույք է՝ 450 գրամանոց սուրճն արժե 19.99 դոլար: Եթե այն գնորդին թվա ոչ այնքան թունդ, ընկերությունը խոստանում է 60 օրում վերադարձնել գումարը: