Աճուրդի է դրվել «Նախաճաշ Թիֆանիի մոտ» վեպի ձեռագիրը
Թրումեն Կապոտեի՝ տպագրական մեքենայով գրված «Նախաճաշ Թիֆանիի մոտ» վեպի տեքստը՝ հեղինակի նշումներով, հանվել է աճուրդի: Աճուրդը կազմակերպել էր RR Auctions աճուրդի տունը: Այս մասին հաղորդվում է RR Auctions կայքում:
Աճուրդը կանցկացվի ԱՄՆ Նյու Հեմփշիր նահանգում՝ ապրիլի 18-25-ը: Ձեռագրի նախնական գինը կազմում է 10 հազար դոլար:
Associated Press-ի տեղեկություններով՝ ակնկալվում է, որ լոտը կվաճառվի նվազագույնը 250 հազար դոլարով:
Վեպի 84-էջանոց տեքստը, որը Կապոտեն գրել էր 1958թ. Random Houses հրատարակչատան համար, պարունակում է հեղինակի բազմաթիվ նշումներ: Ձեռագրի առաջին էջում հեղինակի ձեռքով նշված է վեպի անվանումը:
«Նախաճաշ Թիֆանիի մոտ» վեպը հրատարակվել է Random House-ի կողմից՝ 1958թ.:
Թրումեն Կապոտեի վեպը դեռատի աղջկա մասին է, որը որոնում է հաջողակ ու հարուստ տղամարդկանց:
1961թ. վեպը էկրանավորել էր ռեժիսոր Բլեյք Էդվարդսը: Օդրի Հեփբյորնի մասնակցությամբ ֆիլմը դարձել է ամերիկյան կինեմատոգրաֆիայի դասական ու ստացել «Օսկար»՝ լավագույն սաունդթրեքի ու լավագույն երգի համար:
Comments
Post a Comment