Ո՞ր պլանշետն է ամենաերկարը դիմանում

Պլանշետ ընտրելիս հաճախ կարևոր գործոն է հանդիսանում այն, թե որքան երկար կարող է լիցքավորումը պահել սարքավորման մարտկոցը` վերջիվերջո պլանշետը հիմնականում օգտագործվում է ինքնավար կերպով, և ձեռքի տակ վարդակ ունենալու մասին հավելյալ անգամ մտածել ցանկալի չէ:

Բրիտանական Which ռեսուրսը օրերս անցկացրեց պլանշետների ստուգում և բացահայտեց հաղթողին: Փորձի նպատակն էր պարզել, թե որ պլանշետը ամենաերկարը կձգի, եթե այդ պլանշետով ինտերնետ մտնեն սկզբնապես  wi-fi-ի, այնուհետև 3g-ի միջոցով,   իսկ հետո տեսահոլովակներ դիտեն: Փորձարկման արդյունքներով կազմվել է երկու ինֆոգրաֆիկա. քանի որ էկրանի չափը էներգիայի սպառման վրա ազդող կարևորագույն պարամետրերից մեկն է  հանդիսանում,  դրանք բաժանվել են ըստ երկու կատեգորիաների` 7,9-դյույմանոց և պակաս և 9,4-դյույմանոց և ավել: Այսպիսով`

10-դյույմանոց պլանշետները

Միանշանակ հաղթող է ճանաչվել ռետինա-էկրանով Apple պլանշետը` դիմանալով մինչև 811 րոպե (13,5 ժամ): Երկրորդ տեղում է հայտնվել խնձորային iPad 2-ը  (590 րոպե) և, վերջապես, երրորդ տեղում է  Android ՕՀ-ի հիման վրա աշխատող Sony Xperia Tablet X պլանշետը` 534 րոպե ցուցանիշով:

7-դյույմանոց պլանշետներ

Այստեղ հաղթող է ճանաչվել այս տարվա աշնանը թողարկված Apple iPad mini-ն` նրա լիցքավորումը բավարարել է մինչև 783 րոպե: Երկրորդ տեղում է հայտնվել Google-ից  Amazon Kindle Fire HD պլանշետը, իսկ երրորդ տեղում  Nexus 7-ը` դիմանալով 9 ժամից մի փոքր ավել:  

Այսպիսով, Android-պլանշետների սիրահարների համար արդյունքներն այնքան էլ մխիթարական չեն, իսկ արտադրողներին հարկ կլինի մտածել իրենց հետագա սարքավորումների մարտկոցները կատարելագործելու մասին: