10 ամենաարտասովոր ծառերը

1. Կենաց ծառ

Գտնվելու վայրը Բահրեյն է: Այս ծառի բարձրությունը 9,75մ է, տարիքը` գրեթե 400:
Ծառը առանձնահատուկ է նրանով, որ գտնվում է անապատում, և նրա շրջակայքում կյանքի ոչ մի նշան չկա, բացի այդ` այն ջրին էլ մոտ չէ: Ծառի արմատները շատ խորն են: Համարվում է, որ հենց դա է նրա կյանքի գաղտնիքը, սակայն մինչ օրս դա դեռ առեղծված է համարվում: 

2. «Բուրմիս» (Burmis) 

Այն գտնվում է Կանադայում: Նրա յուրահատկությունն այն է, որ մահացել է 1970-ական թթ., սակայն փտելու ոչ մի նշան չի ցուցաբերում և կանգուն է մինչ օրս: Համարվում է, որ մահանալիս այն եղել է 600-750 տարեկան: Քամին շրջել է ծառը 1998թ.-ին, սակայն տեղի բնակիչները այն դարձյալ կանգնեցրել են: 

3. Սանլենդ Բաոբաբ (Sunland)

Գտնվելու վայրը Հարավային Աֆրիկան է: 1933թ.-ին ծառի մեջ փոքրիկ բար է բացվել, որտեղ հնարավոր է եղել տեղավորել 15-20 մարդու: Այն աշխարհի ամենահին ծառերից մեկն է` մոտավորապես 6000 տարեկան:

4. Գրիֆինո քաղաքի «Ծուռ» անտառը (Gryfino)

Այն գտնվում է Լեհաստանում: Արևմտյան Լեհաստանում հնարավոր է գտնել մոտավորապես 400 տարօրինակ ծառեր: Համարվում է, որ այդ ծառերը այդպես աղավաղվել են մարդկային գործոնի հետևանքով, սակայն դրանց նշանակությունը մինչ օրս հայտնի չէ: 

5. Դեղձի արմավենի (Pejibaye Palm)

Այն գտնվում է Կոստա Ռիկայում և Նիկարագուայում: Սովորաբար այս արմավենին աճում է 20 մետրով:

6. Հիպերիոն (Hyperion)

Գտնվելու վայրը ԱՄՆ-ն է: Հիպերիոնը կալիֆոռնիական սեկվոյա է և համարվում է աշխարհի ամենաբարձր ծառը: Դրանք սովորաբար ապրում են 1200-1800 տարի: Հիպերիոնը հասնում է 115.5 մ-ի և գրեթե 9 մ հաստություն ունի: Դա նշանակում է, որ ծառը հինգ հարկով ավելի բարձր է, քան Ազատության արձանը:


7. Բոմբաքսի (Silk Cotton Trees) Տա Պրոհմի (Ta Prohm)

Այս ծառը գտնվում է Կամբոջայում: Դրանք շատ դժվար է գտնել, կան միայն որոշակի տարածքներ, որտեղ հնարավոր է գտնել դրանց: Այս ծառերը հանդիսանում են «Տա Պրոհմ» տաճարի յուրահատկությունը: Բոմբաքսի արմատները պատում են տաճարը, իսկ ինքը` ծառը, բավականին վեր է բարձրանում: 

8. Բաոբաբ

Գտնվելու վայրը Մադագասկարն է: Այս հիանալի ծառերը էնդեմիկ են Մադագասկարում արդեն ավելի քան 1000 տարի: Բաոբաբը դասվում է անհետացող ծառերի թվին:

9. Վավոնայի ծառ (Wawona)

Գտնվելու վայրը ԱՄՆ-ն է: Մոտավոր հաշվարկներով` նա 2300 տարեկան է:

10. Շշե ծառ (Bottle Tree)

Գտնվելու վայրը Նամիբիան է: Այն ամենամահացու ծառերից մեկն է երկրի վրա: Նրա հյութը շատ թունավոր է:
Աղբյուր՝ 1in.am