Ռիչարդ 3-րդի ստորագրությամբ փաստաթուղթը աճուրդի կդրվի
Լոս Անջելեսում աճուրդի կդրվի
անգլիացի թագավոր Ռիչարդ 3-րդի ստորագրությամբ փաստաթուղթը: Աճուրդը տեղի կունենա ապրիլի
սկզբին: Այս մասին հաղորդում է աճուրդի կազմակերպիչ D. Sanders Auctions աճուրդի տան
կայքը: Լոտն արժե 75-125 հազար դոլար:
Փաստաթուղթը Ռիչարդ 3-րդի կողմից ստորագրվել է գահին
նստելուց առաջ, երբ նա դեռևս Գլոսթերի դուքսն էր: Փաստաթղթում դրված է R.
Gloucestre ստորագրությունը: Փաստաթղթի բովանդակությունը Ռալֆ Նևիլի՝ Ուեսթմորլենդի
երկրորդ կոմսի և նրա վարձակալների միջև հողային վեճի մասին է:Աճուրդի կազմակերպիչների խոսքով՝ փաստաթուղթը թվագրվում է մոտավորապես 1473-1477թթ.: Այդ ժամանակ ապագա թագավորը եղել է շուրջ 20 տարեկան:
Ռիչարդ 3-րդը՝ Յորքերի տոհմի (Պլանթագենեթների դինաստիայի ճյուղ) արական սեռի վերջին ներկայացուցիչը, Անգլիայի թագավոր է դարձել 1483թ.: Նա զոհվել է 1485թ. Բոսվորթի ճակատամարտում՝ դառնալով Պլանթագենեթների դինաստիայի վերջին միապետը:
Comments
Post a Comment