iPhone-ի և iPad-ի համար թողարկվել է Chrome բրաուզեր

Google ընկերությունը թողարկել է Chrome բրաուզերի տարբերակ՝ iOS օպերացիոն համակարգի համար, որի հիման վրա են աշխատում iPhone սմարթֆոնները, iPod touch նվագարկիչները և iPad պլանշետները: Այս մասին հայտնում է The Verge բլոգը:

Բրաուզերը հնարավոր է տեղադրել սարքերի վրա, որոնք աշխատում են iOS 4.3 և ավելի թարմ օպերացիոն տարբերակներով: Այն արդեն հասանելի է App Store խանութում: Բրաուզերը ունակ է ինտերֆեյսում ապահովել աշխատանքը 50 լեզվով:

Նորույթը ներկայացվել է Սան Ֆրանցիսկոյում անցկացվող համաժողովում: Ընկերությունը նաև հայտարարել է, որ Chrome-ից ներկայում օգտվում է 310 մլն մարդ՝ 2011-ի՝ 160 միլիոնի փոխարեն: