Ռադիոհեռադիտակը, որը կարող է հայտնաբերել արտերկրային կյանք, կառուցվելու է Ավստրալիայում և ՀԱՀ-ում

Աշխարհի ամենահզոր ռադիոհեռադիտակը, որը ի վիճակի է հայտնաբերել արտերկրային կյանք, կտեղակայվի Ավստրալիայում և Հարավաֆրիկայի Հանրապետությունում: Այս մասին ասվում է Square Kilometre Array միջազգային հետազոտական կոնսորցիումի հայտարարության մեջ:
 

Նախատեսվում է, որ աստղադիտակի ընդհանուր մակերեսը, որը բաղկացած է լինելու ռադիոալեհավաքներից, կկազմի մոտ մեկ քառակուսի կիլոմետր: Այն 50 անգամ ավելի զգայուն կլինի, քան ամենաժամանակակից սարքավորումները:

Կոնսորցիումի կայքէջում ասվում է, որ աստղադիտակը հնարավորություն կտա աստղագետներին հայտնաբերելու, թե ինչպես են ձևավորվել և զարգացել առաջին աստղերը և գալակտիկաները, հետազոտել տիեզերքի ձգողականությունը և նույնիսկ՝ հայտնաբերել արտերկրային կյանքի տեսակներ:
 

Ծրագրի արժեքը կկազմի 1,5 մլրդ եվրո, իսկ աստղադիտակի շինարարության առաջին փուլը կսկսվի 2019թ:

Լուրեր Հայաստանից - Թերթ.am